Endamanê Partîya Şorişgêre verê bînaya Rêxistina AKPyî ya Kadikoyî de Qirkerdişê Zaxoyî protesto kerd. Endamanê partîye bi sloganan ver bi rêxistine çalakîya rayraşîyayîşî kerde û sloganê sey 'Îşxalkerî do şêrê şarî do ser bikewê', 'Roboskî ra heta Zaxoyî seba hesabkerdişî' vatî.

Endamê partîye Erkîn Barinî çalakîye de qisey kerd û bale ante tabutê serê milê xo ser û vat: ''No tabutê dergûşe Zehra yo. Kiştoxê aye tîya de yo.'' Barinî da zanayene ke kiştoxê Zehra, Berkîn Elvan û Ceylane Onkol heman kes ê.''

Barin dima ame destbendkerdene. Wina pawîyeno ke Barin sewqê Edlîyeya Kartalî bêro kerdene ke îfade bido.