Mehkemeya Berze ya Temyîzî qebul nêkerd ke nameyê Partîya Çep a Keske bibo Partîya Têdûştîye û Demokrasîyî ya Şaran (HEDEP). Mehkeme vat kilmkerdişê nameyî sey HADEPyî yo ke amebi qefilnayene û waşt kilmkerdiş bêro vurnayene.

Vervatoxa HEDEPî Ayşegule Dogan derheqê babete de  meclîs de kombîyayîşê çapemenîye kerd.

Ayşegule Dogan vat,''Vera partîya ma kûmpasî dewam kenê. Ma kongreya xo biheybete ya 15ê teşrîna verêne de qerar girewt ke nameyê Partîya Çep a Keske bibo Partîya Têdûştîye û Demokrasîyî ya Şaran (HEDEP). Mehkemeya Berze bi bahaneyê nameyê HEDEPî sey HADEPî yo qebul nêkerd. Seba  ke ma verê vîjnayîşê cayîyî rîsk megêrê, ma do nameyê kilmî yê HEDEpî bibedilnê. Nameyê Partîya Têdûştîye û Demokrasîyî ya Şaran do sey xo bimano.''