Wezîre Weşîye yê Tirkîya Fahrettin Kocayî hesabê xo yê Twîtterî ra da zanayene ke 24 saetanê peyênan de 311 kesê bînî pê vîrusê Korona kewtî  û hûmara merdeyan zî bîyî 9.

Kocayî vat: ''3656 şikdaranê bînan rê testê vîruaî ame kerdene û înan ra testê 311 kesan  pozîtîf vejîyayî. Hûmara nêweşan bîye 670 û hûmara merdeyan zî bîye 9. 5 nêweşê ma yê ke extîyar bî û xoverdayîşê înan sist bi cuya xo vînî kerde. Kesê ke merdî heme extîyarî. Ma extîyaranê xo bipawê.''

Goreyê nê doneyan 24 saetan de hûmara merdeyan û nêweşan bîye dilab. Perey hûmara nêweşan 359 û hûmara merdeyan 4 bî.