Vîyana de çalakîya Ocalanî rê Azadîye dest pêkerde

Vîyana de seba azadîya Rayberê Şarê Kurdî Abdullah Ocalanî ‘Nobeta Ocalanî rê Azadîye‘ ameye destpêkerdene.

Peytextê Avusturya Vîyana de hetê Merkezê Komela Demokratîke yê Kurdan (DKTM) ra ‘Nobeta Ocalanî rê Azadîye‘  ameye destpêkerdene.

Çalakîya ke 2 aşme kena derg, her roja yewşeme û dişeme mabênê saetanê 14.00 û 17.00 î de verê Banê Karlzplaz Opera ya Vîyana de yena viraştene.

Hewteyê verêne yê ‘Nobeta  Ocalanî rê Azadîye’ de Têgêrayîşê Cinîyan ê Avesta nobete tepişt. Çalakwanan bi vilawekan derheqê felsefeya Ocalanî û tecrîdî de zanayîş da û waşt ke wa tecrîd helêk cuwa ver bêro wedartene.

SÎSTEMÊ ÎMRALI YENO XORINKERDENE

Çalakî de nameyê DKTMyî ra Osman Yildirimî qisey kerd û dîqet ant serrgêra 20. a komploya mîyanneteweyîye de xorinkerdişê tecrîdî ser. Yildirmî seba wayîrvejîyayîşê  Ocalanî veng da şarê kurd û dostanê ci û wina va: ‘‘Şexsê Rayberê ma de wazenê ke ma pêroyin bigerî binê tecrîdî. Ganî ma vera naye haya bî, veyîyê kuçeyan û têkoşînî berz bikerî.‘‘

Hewteyê ma yê averî de zî nobete do hetê têgêrayîşê gencan ra bêro tepiştene.

Çalakwanan seba mîtîngo ke do  hewteyêna roja yewşeme mabênê saetanê 12.00 û 14.00î de verê Kîlîseyê Domî Stefhansplatzî virazîyo, veng da û waşt wa her kes tewrê ci bibo.