Menga Xizîrî mabênê çeleyî de dest pêkana û heta mabênê sibatî dewam kena. Nê dewrî de elewîyî elewîyî exleb rojeyê Xizirî hewteyê diyînî yê sibate de fîraz kenê. Bi na wesîle paytextê Avusturya Viyane de elewîyan cem tepişt.

Aktîvîteya ke tim hetê Federasyonê  Elewîyan ê Demokratîkan (FEDA) ra yeno kerdene xeylêk kesî tewrê ci bîyî. Pîr Huseyîno ke cem rayra berd rizayê pêrune girewt û dest pê cemî kerd.

Pîr Huseyînî vat, ''Xizir tim cayê mazlûman de yo, kam ke bikewo tengayî reseno ci. Xizir hêzê zerrîya ti yo. Hîs o. Xizir her kes o, Xizir ti yê-ya.  Ma pêro zilmê nê hukmatî zanê. Wazeno ke ma her hetî ra çîn bikero. Vera nê zilmî ganî her kes bibo Xizirê yewbînan.''

Badê qiseykerdişê Pîrî kesê ke tewrê cemî bîyî destê yewbînan girewtî û lewî nayî ermeyanê yewbînan a û haştîye sembolîze kerd. Peynîya rituelî de awa bişîfa ameye vilakerdene. Badê semah loqmayî ameyî vilakerdene.