Siba do Wan de Rayraşîyayîşê Îradeyî rê Hurmetî yê 6 rojan bêro destpêkerdene. Saete 15:00 do Parka Musa Anterî de programê pêşwazîkerdişî yo girseyî bêro kerdene.

DBP, TJA, DEM Partî  rêxistinanê komelê demokratîkî yê bînan semedê tewrbîyayîşê rayraşîyayîşî veng da. Hemserekê DEM Partî yê Wanî Veysî Dilekçî vist vîrî ke pêro Tirkîya de nêrazîbîyayîşê vera qeyûmî dewam kenê û vat: ''3 temmuze de ma do pîya bi raywananê ke Tirkîya û Kurdîstanî ra yenê ver bi Colemêrgî rayraşîyayîş bikerê. Ma veng danê şarê xo ke siba wa saete 15:00 de Parka Musa Anterî de tewrê programê pêşwazîkerdiş û raştkerdişî bibo.''