Wan de serkêşîya Komeleya Paştdayîşî ya Merdimanê Tepişteyan (TUHAY-DER) de tecrîdê serê  Rayberê Şarê Kurdî Abdullah Ocalanî ame protestokerdene.

Çalakîya ke Kuçeyê Sanatî de ameye kerdene rêxistinanê komelê sîvîlî û partîyanê sîyasîyan ra xeylêk kesî tewrê ci bîyî.Çalkîye bi sloganan tecrîdê Îmraliyî ame protestokerdene û azadîya Abdullah Ocalanî û tepişteyanê sîyasîyan ameye waştene.

Sekreterê TUHAY-DERî yê Wanî Emin Şekerî vistvîrî ke Abdullah Ocalan 1999î ra tana binê tecrîdê giranî de yo û vat serranê peyênan de tira qet xeberêke nîna girewtene. Şekerî tecrîd sey sûcê merdimîye hesibna û vat ê sûcî qebul nêkenê, gerek no tecrîd cade bêro wedaritene.

Emin Şekerî bale ante zextanê zîndanan ser û vat rîyê Wezîrîya Edaletî û îdareyê zîndanî heqê tepişteyan yenê binpaykerdene û waşt ke wa nê problemî cade bêrê çareserkerdene.