Sîyasetmedare û Wekîla HDPyî ya verêne Huda Kaya vizêr çarçewa tehqîqatê Dewaya Kobanê de amebî destbendkerdene. Kaya dima sewqê Mehkemeya Cezaya Sulhe ameye kerdene û mehkeme de tepişîyaye.

Heyetê Rayberdişê Merkezî (MYK) yê Partîya Têdûştîye û Demokrasîyî ya Şaran (HEDEP) derheqê babete de eşkerayîyêke daye.

Eşkerayîye de ame parekerdene ke îqtîdar hema zî peyê qesasê serkewtişê Kobanê de yo coka Huda Kaya tepişîyaya. Eşkerayîye de ame îfadekerdene ke Huda Kaya nasnameyê xo yê aktîvîstîya heqanê merdiman û cinîtîye ra tepişîyaya. Eşkerayîye de wina ame vatene: ''Tesadufî nîyo ke Huda Kaya 1ê Teşrîna Peyêne Roja Kobanê ya Dinya de tepişîyaye. Ma ancî vanê ke hêriş û tedayî do pê ma nêeşkê. Ma do her hêrişî de hîna bihêz benê. Ma sey HEDEPî venga pêro kesan danê ke vera zulmê îqtîdarî têbigêrê û na bêhuqûqîye qebul mekerê.''