Nobeta Azadîya ke semedê azadîya fîzîkîye ya Raybarê Şarê Kurdî Abdullah Ocalanî bajarê Strasbourgî yê Fransa de yena kerdene hewteyê 523. de hetê enternasyonalîstan ra yena domnAyene.

Meclîsê Parlamenteranê Konseya Ewropa ra xeylêk wekîlan vizêr paştî daye çalakîya nobete ya ke 25ê hezîrane de do 10 serran xoya dima biverdo. Îtalya, Kibris, Îspanya, Îrlanda û Yunanîstanî ra xeylêk wekîlan ard ziwna ke ê paştî danê têkoşînê Abdullah Ocalanî.

Wekîlê Partîya Demokratîke ya Îtalya Roberto Rampî ard ziwan ke înan Îtalya ra mesajê paştdayîşî ardî û vat: ''Ma dostê nêzdî yê kurdan ê. Ma do hêvîya xo vînî mekerê û semedê azadîya Abdullah Ocalanî têkoşînî gird bikerê.''

Wekîlê Demokratanê Sosyalan ê Kibrisî Constantinos Efstathiouyî zî vat: ''Îmrali de zereyê yew hucre de yew roşn est o. No roşn hucreyê Ocalanî ra rayîrê azadîye mojeno ma. Ma pê şima paye berz ê. Şima zî sey Mendala têkoşînê azadîye û demokrasîyî kenê.''

Wekîla Grûba Çepe ya Katalanî ra Laura Castel zî vat: ''Kurdî eciqyenî û îzalasyon dewam keno. Ganî dezgehê Ewropa vera tecrîdî wezîfeyê xo bîyarê ca. Têna pê paştdayîş têkoşînî ma eşkenê ser bikewê.''

Partîya Sinn Feinî ya Îrlanda ra  Paul Gavanî zî vat: ''Şima bi na çalakîye des serrî yo têkoşîn kenê. Ewropa wayîrê ercanê xo nêvejîyena. Ganî şiro Tîrkîya ser ke îzolasyon bêro wedaritene. Çîyo ke destê ma ra yeno ma do bikerê. Konseya Ewropa ganî hinda vera binpaykerdişê heqanê merdiman bêveng nêmano.''

Hewzanê Çepî yê Îzlanda ra Bjarni Jonssonî zî vat: ''Ma vera zextê serê komeleyanê bindestan têkoşîn kenê. Senî kurdî ewro têkoşîn kenê ma zî têkoşînî ra yenê. Şarê kurdî têkoşîno bêhempa keno. Semedê pawitişê heqanê xo ganî ma hêzanê xo bikerê yew.''

Bi nameyê enternasyonalîstanê ke çakakîye tepişenê Trllyî zî  waşt ke wa dezgehê Ewropa vera tecrîdî wezîfeyê xo bîyarî ca.

Endamê KNKyî Adem uzunî zî vera bêvengîya dezgehanê Ewropa nêrazîbîyayîş mojna û semedê paştîdayîşê wekîlan rê spas kerd.