Çalakîya wekîlanê HDPyî ya ke semedê wedaritişê tecrîdê serê Rayberê Şarê Kurdî Abdullah Ocalanî dîyaye destpêkerdene, roja 31. de dewam kerde. Wekîlî Fatma Kurtulan, Kemal Pekoz, Muazzeze Orhan, Şevîne Coşkun, Abullah Koç, Kemal Bulbul, Serpile Kemalbay, Saît Dede, Hasan Ozguneş, Ayşe Surucu û Nûrane Îmîr tewrê çalakîye bîyî.

Muazzeze Orhana ke nobete de qisey kerd, nê vatî: ''31 rojî yo ma verê Wezîrîya Edaletî de kenê ke tecrîdo ke bîyo problemê kangrenî yê welatî, bidê eşnawitene. Di serrî yo Îmrali de serê Birêz Abdullah Ocalanî de tecrîd bîyo giranêr. Tecrîd têna Îmrali de nîyo. Ewro heme zîndanan ra vila bîyo û heta nê ra wetêr vera komelî yeno caardene. Pê polîtîkaya tecrîdî yeno waştene ke komel bêro fatisnayene, bêvengkerdene. Îqtîdar wazeno pê tecrîdî payra bimano.

Bi mîlyanan kesî Birêz Ocalanî sey îradeyê xo vînenî. Ma tîya ra reyna vanê nê îqtîdarî ra yew pawitişê ma çîn o. Bedelê polîtîkayanê şerî yê îqtîdarî şarê Tirkîya danê.  Coka ma veng danê heme şaranê Tirkîya, kedkaran, cinîyan. Tecrîd tesîrê ganê ma keno. Yeno waştene ke wa no komel feqîrîye, vêşanîye, koletîye rê rê bibo mehkum.

Nê di serranê peyênan de 141 yew cenazayî zîndanan ra vejîyayî.  600ê înan bi giranî 1500 nêweşê tepişteyî est ê. Ma reyna vanê şima nêeşeknê, pê polîtîayanê tecrîd, şer, înkar û îmhayî meseleya kurdan a ke meseleya bingeyine ya welatî ya nêeşkenê çare bikerê.  Çareyê mesele dîyalog o, muzakere yê.  Hema ke zaf erey nêbîyo ganî no proses bêro destpêkerdene, tecrîd bêro wedaritene. Tecrîd sûcê merdimîye yo. Heta wedaritişê tecrîdî têkoşînê ma do dewam bikero.''