Çalakîya Nobeta Edaletî ya wekîlanê HDPyî vera tecrîdê serê Rayberê Şarê Kurdî Abdullah Ocalanî roja 27. de dewam kena. Wekîlanê HDPyî Şevîn Coşkûn, Hasan Ozguneş, Kemal Pekoz, Îmam Taşcier, Muzzez Orhan û Mûrat Sarisaçî Meclîs de eşkerayîye daye.

Wekîlê HDPyî yê Amedî Îmam Taşçierî nameyê wekîlan ser o qisey kerd û îfade kerd ke hêzanê komplogeran wexto ke Ocalan bi komployî temsîl kerdbi, soz dabi ke wayîrê ci vejîyê. Taşçierî vat: ''Hêzê komplogerî wayîrê sozê xo nêvejîyenê. Ê dewletanê ke Kurdîstan kerdo çar parçeyî nêwaşt ke kurdî bibê wayîrê statuyêkî. Coka tecrîdî kenê giranêr. Nê welatî de 30 mîlyon kurdî est ê la nêeşkenê bi ziwanê xo yê dayîke perwerde bigêrê. Goreyê Qanûnê Bingeyî yê Tirkîya kurdî çin ê.

Na çarçewe de tecrîdê vera Birêz Ocalanî dewam keno. Seba ke tecrîd biqedo ma do têkoşînê xo yê demokratîkî rê dewam bikerê. Tecrîdî wedarnê.''