Nobeta Wekîlanê HDPyî ya vera tecrîdê serê Rayberê Şarê Kurdî Abdullah Ocalanî 23 rojî xo pey de verdayî. Ewro wekîlî Alî Kenanoglû, Zeynel Ozen, Şevîn Coşkûn, Mûrat Sarisaç, Kemal Pekoz, Erdal Aydemîr, Mûrat Çepnî, Celadet Gaydali, Abdûllah Koç û Habîp Eksîk tewrê çalakîye bîye.

Kenanogluyî nameyê wekîlanê bînan ser o eşkerayîye wende û vat: ''Tecrîd îzolasyon o. Tepişteyî wayîrê heqanê pêvînayîşî yê. Pê tecrîdî heqê tepişteyan yeno binpaykerdene û no zî sûcêko huqûqî yo. Îmrali de sûcê vera merdimatîye yeno kerdene. Tecrîd heman wextî de îşkence yo. Îmrali de vera Birêz Ocalanî û tepişteyanê bînan îşkence yeno kerdene. Pê tecrîdî çareserîya meseleya kurdan yena astengkerdene. Seba ke Tirkîya aram biba ganî tecrîd bêro wedaritene. Ganî verê pêvînayîşanê bi Ocalanî nêro girewtene.''

Kenanogluyî ard ziwan ke tecrîd goreyê qanûnan û Qanûnê Bingeyî sûc o û ganî cade bêro wedaritene. Kenanogluyî waşt ke wa cade keye û avûkatî bieşkê şorê Îmraliyî û Abdullah Ocalanî bivînê.''