Îqtîdarê AKP-MHPyî serê sibayî dest na şaredarîyanê HDPyî yê Îdir, Sêrt, Misric, Hawêl û Altinova ser û hemşaredarî destbend kerdî, herinda înan de zî qeyûmî tayîn kerdî. Polîsanê tirkan ê ke vizêr eşt Şaredarîya Îdîrî ser, bînaya şaredarîye de cigêrayîş kerd. Hemşaredarê Îdirî Yaşar Akkuş û Eyleme Çelîk ameyî destbend kerdî. Îdir, Sêrt, Misric, Hawêl û Altinova de heta nika 45 şaredarîyê HDPyî ameyî destbendkerdene.

Wekîlê HDPyî yê Îdirî Habîb Eksîkî pare kerd ke seba destsernayîşê şaredarîyan bahaneyêke çin a û no destsernayîş kulturê dewlete yo.

Eksîkî vat: ''3 partîyanê nîjadperestan-faşîstan ra blokêk ame awankerdene. No blok seba ke kurdî şaredarîyan dest mevisnê kewt weşînayîşan. La reyna zî HDP ser kewt. Îqtîdar nêeşkeno nê serkewtişî rê çimanê xo biqefilno.  Şarê Îdirî weçînayîşan de do hesabê naye biperso. Ma do têkoşînê xo yê huqûqî û sîyasî zî dewam bikerê. Ma do qet kulturê qeyuman qebul nêkerê. Şarê Îdirî ney do qet xo vîrî ra nêkerê.''