Wekîlê HDPyî yo verên Halîl Aksoy (77) 23yê teşrîna peyêne de serê sibayî amebi destbendkerdene.

Halîl Aksoy bi bahaneya ke derheqê ci de cezaya zîndanî ya qetîkerde est a tepişîya. Aksoyî rê bi sûcdarîya 'endamîya rêxistine' cezaya zîndanî ya 8 serran û 9 mengan dîyaye û  erşawîya Zîndanê Metrîsî.

Hemserekê Pêroyî yê HEDEPî Tuncer Bakirhanî vera  tepişîyayîşî hesabanê xo yê medyaya dîjîtale de nêrazîbîyayîş mojna û vat: ''Wekîlê ma yê Agirî yo verên Halîl Aksoy tepişîya. Êyê ke çete û mafyayan pawenê verê ma de dişmenîye kenê. Aksoyo ke 77 serre yo û bi giranî nêweş o wa cade vera bidîyo.''