Wekîlê Partîya Karkeran a Îngilîstanî Navendu Mishrayî hêrişê dewleta tirke yê vera Mexmûrî ser o persnameyêk pêşkêşê Serekwezîrê Îngilîstanî Boris Johsnonî kerd.

Mishrayî vist vîrî ke serê menga hezîrane de Tirkîya pê SÎHAyan hêrişê Kampa Multecîyan a Mexmûrî kerd û vat: ''No hêriş parçeyêkê hêrişan ê leşkerîyan o. Heman wextî de serdozgerêkê tirkî seba ke HDP bêro qefilnayene îdîanameyêk amade kerd. Nê hêrişî şerm ê. Gelo serekwezîr do hêrişanê Tirkîya şermezar bikero û înan ra biwazo ke hêrişê vera kurdan vindarna?''

Serekwezîrê Îngilîstanî Boris Johsonî pare kerd ke rewşa Başûrê Kurdîstanî zaf têmîyan a û vat: ''Ganî ma nê çîyî qebul bikerê ke şerwanê kurdî vera DAÎŞî û hêzanê Beşar Esadî wezîfeyêk kenê. La La meseleya kurdan bi hêzanê tirkan esta.''