Hemverê tecrîdkerdişê Rayberê Şarê Kurdî Abdullah Ocalanî de çalakîyê grevê vêşanîye yê hezaran tepişteyanê sîyasîyan û rojeyê mergî yê 15 tepişteyan dewam kenê. Hemsereka KCD’yî Leyla Guvene 182 rojî yo ke hemverê tecrîdî de xover dana.

Heyetê Şopnayîşî yê temsîlkaranê Komeleya Heqanê Merdiman (ÎHD), Weqfê Heqanê Merdiman ê Tirkîya (TÎHV), Komeleya Huqûqnasan a Seba Azadîye (OHD), Komeleya Huqûqnasan a Hemdeme (ÇHD) ra yena pê, raporêk derheqê halê tepişteyan ê ke grev de yê bi sernameyê “Raporê ercnayîş û tespîtî yê derheqê grevanê vêşanîye yê ke Zîndananê Tirkîya de dewam kenê” pêşkêşê Wezaretê Edaletî kerd.

Dorê 3 Hezar Tepişteyî Grev de yê

Heyetî rapor de da zanayene le hemsereka KCD’yî Leyla Guvene bi amaco ke tecrîd biqedîyo 8'ê Teşrîna Peyêne ya 2018'î de dest bi grevê vêşanîye kerd û 182 rojî yo grevê vêşanîye de ya û wina vat: “Mas ey heyetê şopnayîşî tespit kerd ke 92 zîndananê Tirkîya de dorê 3 hezarî tepişteyî grevê vêşanîye yê bêdem û bêagêrayîşî de yê. Çalakîya parlamenteran 2 mengî xo pey de verdayî.

Sewbîna teberê welatî de bajarê Krefeldî yê Almanya de 20'ê Sibate Ûgûr Şakarî hemverê tecrîdî de adir verda bedenê xo û 22'ê Adare de cuya xo kerde vînî. Zulkuf Gezenî (33) 17'ê Adare de hemverê tecrîdî de Zîndanê Tekîrdagî yê Tîpê F-2 de, Ayten Beçete (24) 23'ê Adare de Zîndanê Gebze de, Zehra Saglame (23) 24'ê Adare de Zîndanê Otlû yê Tîpê T’yî de, Medya Çinare (24) 25'ê Adare de Zîndanê Mêrdînî yê Tîpê E’yî de peynî ro cuya xo arde. Yonca Akici 29'ê Adare de Zîndanê Şakranî yê Cinîyan de çalakî viraşte û 1'ê Nîsane de cuya xo kerde vînî. Siraç Yuksekî zî 2'yê Nîsane de Zîndanê Osmanîye yê Tîpê T-2 de û Mahsûm Pamayî zî 5'ê Nîsane de Zîndanê Xarpêtî yê bi Asayîşê Berzî de bi heman amacî çalakî viraşte û cuya xo kerde vînî."

Ganî Heyetê Xoserî Şirê Zîndanan

Heyetî raporê xo de waşt ke hekîmê xoserî şirê zîndanan û derheqê halê çalakwananê grevê vêşanîye de cigêrayîşan bikerê. Heyetî ard ziwan ke tecrîd hemverê qanûnanê Tirkîya û Neteweyê Yewbîyayeyî yo û waşt ke tavilî tecrîd biqedîyo. Heyetî da zanayene ke xeylî tepişteyan de hetê weşîye ra problemi vejîyayê meydan û înan xeylî kilo dayo. Rojnameyê Yenî Yaşamî nêdîyeno tepişteyan. Heyetî da zanayene ke 8 zîndanan de karbonat nêdîyeno tepişteyan û nê zîndanî nê yê: Zîndananê Tîpê T’yî yê Karabukî, Tîpê T’yî yê Tokatî, Tîpê F’yî yê Bûca yê Kiriklarî yê Hûmara 2’yî, Tîpê L’yî yê Kepsutî, Tîpê F’yî yê Tekîrdagî yê Hûmara 1’î, Tîpê E’yî yê Gîresûnî, Hûmara 2’yî yê bi Asayîşê Berzî yê Xarpêtî û Tîpê D’yî yê Amedî.

Hetêna ra heyetî ard ziwan ke ganî kontrole tepişteyan ê weşîye binîzamî bêro teqîbkerdene. Labelê xeylî zîndanan de tepişteyî wextêkê dergî ra dima yenê kontrolkerdene. Peynîya hewteyî de seba ke karmendî nêxebetênê kontrole rûtînî nênê kerdene. Bi mirdîya xo vîtamînê B1’î nêno dayene. Heyetî ard ziwan ke zexto bîn zî derheqê cezayanê dîsîplînî de yo û tepişteyê ke kewtê grevê vêşanîye bi hawayêkê keyfîyi derheqê înan de cezayê dîsîplînî ameyê dayene. Heman wextî de tepişteyî seba ke halê înan bêro zanayene wazenê ke faks û mektûban bişirawê teber labelê dest danê serê mektûbanê înan.

Kamcîn Zîndan de, Çend Tepişteyî Grevê Vêşanîye de yê?

*Zîndanê Dînarî yê Afyonî yê Tîpê T’yî: 4 tepişteyî

*Zîndanê Afyonkarahîsarî yê Tîpê E’yî: 3 tepişteyî

*Zîndanê Akhîsarî yê Tîpê Tyî: 17 tepişteyî

*Zîndanê Alanya yê Cinîyan ê Tîpê L’yî: 21 tepişteyî

*Zîndanê Amasya yê Tîpê E’yî: 3 tepişteyî

*Zîndanê Antalya yê Tîpê L’yî: 43 tepişteyî

*Zîndanê Bafra yê Tîpê T’yî: 49 tepişteyî

*Zîndanê Bakirkoyî yê Cinîyan: 29 tepişteyî

*Zîndanê Bandirma yê Tîpê T’yî yê Hûmara 1’î: 69 tepişteyî

*Zîndanê Bandirma yê Tîpê T’yî yê Hûmara 2’yî: 66 tepişteyî

*Zîndanê Êlihî yê Tîpê M’yî: 40 tepişteyî

*Zîndanê Baybûrtî yê Tîpê M’yî: 9 tepişteyî

*Zîndanê Bolû yê Tîpê F’yî: 93 tepişteyî

*Zîndanê Kiriklar ê Bûca yê Tîpê F’yî yê Hûmara 1’î: 12 tepişteyî

*Zîndanê Kiriklar ê Bûca yê Tîpê F’yî yê Hûmara 2’yî: 10 tepişteyî

*Zîndanê Bûrhanîye yê Tîpê D’yî: 2 tepişteyî

*Zîndanê Bûrhanîye Tîpê T’yî: 13 tepişteyî

*Zîndanê Bûrhanîye yê Tîpê T’yî: 16 tepişteyî

*Zîndanê Bûrsa yê Tîpê H’yî: 15 tepişteyî

*Zîndanê Bunyanî yê Tîpê T’yî yê Hûmara 2’yî: 64 tepişteyî

*Zîndanê Bunyanî yê Cinîyan ê Girewteyî: 28 tepişteyî

*Zîndanê Ceyhanî yê Tîpê M’yî: 8 tepişteyî

*Zîndanê Çankiri yê Tîpê E’yî: 4 tepişteyî

*Zîndanê Denîzlî yê Tîpê T’yî: 10 tepişteyî

*Zîndanê Amedî yê Hûmara 1’yî: 35 tepişteyî

*Zîndanê Amedî yê Tîpê D’yî: 173 tepişteyî

*Zîndanê Amedî yê Tîpê D’yî: 13 tepişteyî

*Zîndanê Duzce yê Tîpê T’yî: 12 tepişteyî

*Zîndanê Edîrne yê Tîpê F’yî: 24 tepişteyî

*Zîndanê Xarpêtî yê bi Asayîşê Berzî yê Hûmara 1’î: 57 tepişteyî

*Zîndanê Xarpêtî yê bi Asayîşê Berzî yê Hûmara 2’yî: 74 tepişteyî

*Zîndanê Xarpêtî yê Cinîyan: 3 tepişteyî

*Zîndanê Ereglî yê Tîpê T’yî: 2 tepişteyî

*Zîndanê Erziromî yê Tîpê T’yî: 1 tepişteyî

*Zîndanê Eskîşehîrî yê Tîpê H’yî: 3 tepişteyî

*Zîndanê Dîlokî yê Tîpê L’yî: 3 tepişteyî

*Zîndanê Gebze yê Cinîyan: 31 tepişteyî

*Zîndanê Gîresûnî yê Girewteyî yê Tîpê E’yî: 15 tepişteyî

*Zîndanê Gumuşhane yê Tîpê E’yî: 5 tepişteyî

*Zîndanê Turkoglû yê Mereşî yê Tîpê T’yî yê Hûmara 2’yî: 7 tepişteyî

*Zîndanê Kalkandere yê Tîpê L’yî: 9 tepişteyî

*Zîndanê Kandira yê Tîpê F’yî yê Hûmara 1’î: 44 tepişteyî

*Zîndanê Kandira yê Tîpê F’yî yê Hûmara 2’yî: 24 tepişteyî

*Zîndanê Kandira yê Tîpê F’yî yê Hûmara 2’yî: 5 tepişteyî

*Zîndanê Karabukî yê Tîpê T’yî: 30 tepişteyî

*Zîndanê Kepsûtî yê Tîpê L’yî: 4 tepişteyî

*Zîndanê Kirikkale yê Tîpê F’yî: 46 tepişteyî

*Zîndanê Kurkçuler ê Tîpê F’yî: 20 tepişteyî

*Zîndanê Meletî yê Tîpê E’yî: 15 tepişteyî

*Zîndanê Maltepe yê Tîpê L’yî yê Hûmara 1’î: 7 tepişteyî

*Zîndanê Maltepe yê Tîpê L’yî yê Hûmara 2’yî: 16 tepişteyî

*Zîndanê Manîsa yê Tîpê T’yî: 5 tepişteyî

*Zîndanê Mêrdînî yê Tîpê E’yî: 131 tepişteyî

*Zîndanê Menemenî yê Tîpê R’yî: 1 tepişteyî

*Zîndanê Menemenî yê Tîpê T’yî: 6 tepişteyî

*Zîndanê Oltû yê Tîpê T’yî: 8 tepişteyî

*Zîndanê Ordû yê Tîpê E’yî: 21 tepişteyî

*Zîndanê Osmanîye yê Tîpê T’yî yê Hûmara 1 û 2’yî: 32 tepişteyî

*Zîndanê Odemîş ê Tîpê T’yî: 27 tepişteyî

*Zîndanê Patnosî yê Tîpê L’yî: 163 tepişteyî

*Zîndanê Seydîşehîrî yê Tîpê T’yî: 2 tepişteyî

*Zîndanê Sêrtî: 9 tepişteyî

*Zîndanê Sîlîvrî yê Tîpê F’yî yê Hûmara 5’î: 186 tepişteyî

*Zîndanê Sîlîvrî yê Tîpê F’yî yê Hûmara 9’î: 9 tepişteyî

*Zîndanê Sîncanî yê Cinîyan ê Girewteyî: 27 tepişteyî

*Zîndanê Sewrege yê Tîpê T’yî: 25 tepişteyî

*Zîndanê Şakranî yê Tîpê T’yî yê Hûmara 1’î: 5 tepişteyî

*Zîndanê Şakranî yê Tîpê T’yî yê Hûmara 2’yî: 55 tepişteyî

*Zîndanê Şakranî yê Tîpê T’yî yê Hûmara 3’yî: 43 tepişteyî

*Zîndanê Şakranî yê Tîpê T’yî yê Hûmara 4’î: 43 tepişteyî

*Zîndanê Şakranî yê Cinîyan: 30 tepişteyî

*Zîndanê Şirnexî yê Tîpê T’yî: 14 tepişteyî

*Zîndanê Tarsûsî yê Tîpê T’yî yê Hûmara 1’yî: 73 tepişteyî

*Zîndanê Tarsûsî yê Tîpê T’yî yê Hûmara 2’yî: 23 tepişteyî

*Zîndanê Tarsûsî yê Tîpê T’yî yê Hûmara 3’yî: 24 tepişteyî

*Zîndanê Tarsûsî yê Cinîyan ê Girewteyî: 20 tepişteyî

*Zîndanê Tekîrdagî yê Tîpê F’yî yê Hûmara 1’î: 55 tepişteyî

*Zîndanê Tekîrdagî yê Tîpê T’yî yê Hûmara 2’yî: 21 tepişteyî

*Zîndanê Tekîrdagî yê Tîpê F’yî yê Hûmara 2’yî: 55 tepişteyî

*Zîndanê Tekîrdagî yê Tîpê F’yî yê Hûmara 2’yî: 16 tepişteyî

*Zîndanê Tokatî yê Tîpê T’yî: 16 tepişteyî

*Zîndanê Trabzonî yê Tîpê M’yî: 2 tepişteyî

*Zîndanê Riha yê Tîpê T’yî yê Hûmara 1’î: 85 tepişteyî

*Zîndanê Riha yê Tîpê T’yî yê Hûmara 2’yî: 99 tepişteyî

*Zîndanê Umraniye yê Tîpê E’yî: 6 tepişteyî

*Zîndanê Wanî yê Tîpê F’yî: 67 tepişteyî

*Zîndanê Wanî yê Tîpê T’yî: 194 tepişteyî

*Zîndanê Wanî yê bi Asayîşê Berzî: 148 tepişteyî

*Zîndanê Vezîrkopru yê Tîpê M’yî: 3 tepişteyî

*Zîndanê Yozgatî yê Tîpê E’yî: 4 tepişteyî