Rojnameger Necmettin Salazo ke Başûrê Kurdîstanî de 14ê teşrîna verêne de nêweşxaneyo ke tede tedawî dîyênî de dinyaya xo bedinaye, Wan de ame definkerdene.

Cenazaya ke saetanê serê sibayî resaye bajarî, ameye berdene morgê Goristanê Akkopruyî û tîya ra zî ameye berdene Camîya Boyalarî. Hemserekê Komeleya Rojnageran a Dicle Firatî (DFG) Serdar Altan, îdarekarê HEDEP, DBP, TUHAY-DER, MEBYA-DER, KESK û temsîlkarê rêxistinanê komelê sîvîlî û rojnamgerî şîyî vera cenaza.

Badê nimajê nêmroje nimajê cenaza ame kerdene û cenaza ameye berdene Goristanê Akkopruyî yê qezaya Tuşba. Polîsanê ke dormeyê goristanî girewt nêverda teberê keyeyî de kesêk bikewo goristan. Şarî vera polîsan nêrazîbîyayîş mojna.

Seba ke destûr nêdîya şar teberê goristanî de pawit. Merdimanê Salazî ra 30 kesan cenaza defin kerd. Dima serê Rayîrê Kale yê Rêya Armûşê ra şar şi Şînxaneyê Camîya Eski Hayretiye. Tezîye do rojî dewam bikero.