Xaneqîn de çeteyanê DAÎŞî hêrişê nuqteyêka polîsan kerde

Xaneqîn de nizdê dewa Mehmûd Ezîzî de wexto ke kamyonêk vîyartêne mayîne teqîyaye. Dima ra zî çeteyanê DAÎŞî hêrişê nuqteyêka polîsanê Iraqî kerd. Qewimîyayîş de polîsêk merd, yew polîs zî birîndar bi.

Goreyê hayîdarîya Rojnewsî vizêr bişewe nizdê dewa Mehmûd Ezîzî ya Xaneqînî de gama ke kamyonêk vîyartêne teqayîşêk virazîya. Teqayîş de şofurê kamyone birîndar bi. Dimayê teqayîşî ra zî çeteyanê DAÎŞî hêrişê nuqteyêka polîsanê Iraqî kerd.

Mabênê çeteyan û hêzanê polîsan ê Iraqî de pêkewtiş virazîya. Pêkewtişî de polîsêk merd, polîsêko payedar zî birîndar bi.