Zîndanê Bi Asayîşê Berzî yê Xarpêtî de tepişteyî bi hawayêkê keyfîyî nênê veradayene. Zîndan de 6 tepişteyî bi îdîaya 'rewşa înan hol nîya' hetê Heyetê Îdare û Çimdarîye ra vera nêdîyenê. Bi nê hawayî înfazê Fendî Yîgîrî 3 reyî, înfazê Emrah Kandemîrî û Serdar Şîtîlayî 2 reyî, ê Sadik Arslanî reyêke, ê Suphî Guler û Emrah Akyolî zî reyêk ameyî taloqkerdene.

Sadik Aslano ke 2006 ra nata tepişte yo ganî 14ê teşrîna peyêne de vera bidîyêne. La 14ê teşrîna peyêne de înfazê ci qasê 3 mengan ame taloqkerdene. Heyetî bire daye ke 'seba ke beno ke ancî vera yewîya komelî sûc bikero' ganî vera nêdîyo.

Keyeyê Aslanî seba pêşwazîkerdişî şibi verê zîndanî. Waya Aslanî Yuksele Acer vat: ''cezayê înan qedîyayê la ancî ceza dîyena. Ma seba ke tehlîye ameybî la birê mi vera nêdîya. No yew îşkence yo ke vera keye û tepişteyan yeno kerdene. Çîyêko keyfî yo.''