Mîraç Mîroglu 3ê êlule de qezaya Hezexî ya Şirnexî de netîceya pirodayîşê wesayîtê zirxinî de dinyaya xo bedilnayebî. Derheqê aktvîteya yadkerdişî ya ke semedê Mîrogluyî ameye kerdene de cipêrsayîş dîya desptêkerdene.
Derheqê aktvîteya yadkerdişî ya ke semedê Mîraç Mîrogluyo hetê polîsan ra ame qetilkerdene, ameybî kerdene de cipêrsayîş dîya desptêkerdene.
Mîraç Mîroglu 3ê êlule de qezaya Hezexî ya Şirnexî de netîceya pirodayîşê wesayîtê zirxinî de dinyaya xo bedilnayebî. Rêxtina Partîya Demokratîke ya Şaran (HDP) ya Hezexî cayê qewimîyayîşî de aktîvîteya yadkerdişî kerdebî. Derheqê aktvîteya yadkerdişî ya ke semedê Mîrogluyî ameye kerdene de cipêrsayîş dîya desptêkerdene.
Serdozgerîye Endama Meclîsê Pêroyî yê HDPyî yê Bajarî Elfesya Nas ya ke wezîfeyê ci ame xespkerdene û Hunermendê MKMyî Abdullah Ayavo ke aktîvîtede deyîrî vatî bî bu sûcê 'şarî dişmenîye rê tehrîq kenê' sûcdar kerdî. Elfesya Nas yadkerdiş de eşkerayîye wendîbî. Nase saetanê serê sibayî de şîye Mudirîya Asayîşî ya Hezexî û îdîayî red kerdî. Nase ard ziwan ke seba ke hinî serebûtê winayênî mebê înan eşkerayîya çapemenîye daye û sûcê ke ci rê ameyî kerdene qebul nêkerdî.
