Goreyê xebera AFPyî 27 welatê Yewîya Ewropa do kombîyayîşê ewroyînî de bire bida ke semedê binpaykerdişanê heqanê merdiman ra Tirkîya bigêrê binê çimdarîye.

Serekê Konseya Ewropa Charles Michelî mektuba vengdayîşî de vatbi: ''Ma do xîretêkê bi safha, bi şert bikerê.''

Goreyê xebera AFPyî seba ke sozanê xo nêano ca ewropayîjî pê Erdoganî bawer nêkenê. Dîya zanayene ke dîplomatêkî vat: ''Heta menga hezîrane ma bi hesasîyetî Tirkîya teqîb bikerê. Eke ma apeyşîyayîşêk tesbît bikerê Yewîya Ewropa do menfaatanê xo bipawê. Enstrumanê ma amde yê.''