Kombîyayîşê berzî yê lîderanê Yewîya Ewropa de demokrasî û heqê merdiman nêameyî dîyene. Kombîyayîşî ra dima lîderan pare kerd ke ê wazenê Tirkîya reyde têkilîyanê xo xurtêr bikerê. Eşkerayîye de ama vatene ke pisporî do babeta newekerdişê yewîya gumrukî yê bi Tirkîya de dest pê karî bikerê.

Rixmê operasyonanê vera kurdan û hêzanê demokrasî zî Yewîya Ewropa alternatîfê ambargoyî seba wextêkî taloq kerd. Eşkerayîya kombîyayîşî de Dengizê Sipî provakasyonê Tirkîya ameyî nîşankerdene û wina ame vatene: ''Ma venga Tirkîya danê ke xo provakasyonan û binpaykerdişê huqûqê mîyanneteweyî ra dûrî bigêra.''

Lîderanê welatanê Ewropa îfade kerd ke ê do hezîrane de qeraxanê Yunanîstanî de cigêrayîşê gazî yê Tirkîya biercnê.