Çekdar Yureko ke Zîndano Girewte yê  Tekîrdagî yê Tîpê T'yî yê  Hûmara 2'ine de yo, ganî 22'ê Nîsane de biameyêne veradayene, la rîyê îtîrazanê keyfîyan ê îdareyê zîndanî bi mengan o zîndan de yeno tepiştene.

 Yurekî rê bi îdîayanê 'endamê rêxistine, madeyê tehlukeyînî peydakerdiş' serra 2011 de cezaya 11 serran û 4 mengen ameye dayene. Rîyê raporê îdarekarê zîndanî yo ke tede vatene 'tepişte sucê xo ra poşman nîyo û amade nîyo ke tewrê komelî bibe' Çekdar Yurek nêno veradayene. Dadîya Çekdarî Antîlmet Yureke seba ke verba na bêhuqûqîye veje, 19'ê Êlule ra nata verê Edlîye ya Tekîrdagî de çalakîya roniştişî kena, nika zî babî Nîhat Yurek şino Meclîs.

Babî Nîhat Yurekî  yo ke ANF'yî reyde qisey kerd va:‘‘ Wexto ke lejê mi  16 serre bi, pê komploya polîsan ame tepiştene. Polîsan serra 2011 de eşt keyeyê ma ser, nêzdîya 50 polîsî bîyî. Polîsan pê destanê xo poşetêko sîya odaya Çekdarî ro na û dima va ke tede hacetê bomba estî. Mi dî û ci ra va ke o poşet şima oda de nimit. Roja bîne ez şîyo dozgerîye, mi waştişnameyêk nuşt û mi gerreyê polîsan kerd ke înan o poşet ard keyeyê ma û odaya laj ê mi de nimit. Mi waşt ke seba ke rêçê engişte yê lajê mi estî yan çin ê cigêrayîş bêro kerdene. Înan cigêrayîş nêkerd û ez bi îdîaya 'îftîrakerdişê polîsan rê' bîyo verguman.

Yew sucê dîsîplîn ê lajê mi çin o. Ganî semedê rewşa başe ra bi tehlîyaya bişertî bêro veradayene la çend mengan ra nata zîndan de yo. 8'ê Teşrîna Verêne de serra ey a 9'ine bena temam û nêweş o. Ma pabeyê 22'ê Nîsane bîyî ke ey bide weşkerdene la înan hêvîya ma kerde pûç. No senî yew huqûq o?"

Babî Nîhat Yurekî tewr peyêne lajê xo roja çarşemeyî zîyaret kerd û vat ke rewşa ey bena giranêr. Babî Nîhat Yurekî avûkatê xo reyde na bêhuqûqîye berde bi Mehkemeya Huqûqo Bingeyî. Babî Nîhat Yurek wazeno ke lajê ci cade bêro veradayene.