Zara Mohammedî Rojhelatê Kurdîstanî de mamostayêka kurdkî bîye û rejîmê Îranî seba ke perwerdeyê kurdkî dayêne domanan cezaya zîndanî ya 5 serran dabî ci. Wekîla Partîya Sosyalîste (SP/PS) Fehlmann Rielle Laurance seba Zara Mohammedî vernîyazêk da Meclîsê Swîsre.

Vernîyazo ke nameyê koma SPyî ser o ame pêşkêşkerdene, tede ame îfadekerdene ke cezaya zîndanî ya ke dîyaya Zara netîceya polîtîkayanê rejîmê Îranî ya. Vernîyaz de ame vîrvistene ke Swîsre de 4 ziwanê fermî yenê qiseykerdene û venga hukmatê Swîsre ame dayene ke seba je pêro beşê komelî bi ziwanê xo yê dayîke perwerde bivînê tedaya Îranî bikero.

Vernîyaz de wina ame vatene: ''Zara Mohammedî bi bahaneya ke kurdkî musnena domanan cezaya zîndanî ya 5 serran dîyaya ci. Dewaya na mamosta, sembolê sîyasetê Îranî yê vera kurdan o.''