Şairstanê Zurihî yê Swîsre de kurdan û dezgehanê sivîlan ê Swîsre seba Zara Muhammedî çalakîye kerde ke aye seba ke kurdkî musnayêne domanan amebî tepiştene. Ferdê keyeyê Zara û çar parçeyanê Kurdîstanî ra temsîlkarê dezgehanê sivîlan zî tewrê çalakîye bîyî.

Çalakîye de waya Zara Mohammedî, Kanîye Muhammedî îfade kerd ke Zara 12 serran o domanan rê kurdkî bi israrî musnayêne û ganî cade a bêra veradayene. Nameyê Enstîtuyê Ziwanê Kurdkî Alî Şîmşekî zî vat: ''Çar parçeyanê Kurdîstanî de ziwan, nasname û kulturê kurdan binê hêrişan de yê. Ganî pêro kurdî vera nê hêrişan wayîrê ziwan, kultur û nasnameyê xo xo vejîyê.''

Çalakîye pê deyîr û şîîranê kurdkî qedîyaye.