Komîteya Perwerdeyî ya KJKyî derheqê mamostaya kurdkî Zara Mohammedî ya ke rîyê pewerdeyê kurdkî ra ameye hepskerdene, de eşkerayîyêke daye.

KJKyî qerarê vera Zara Mohammedî sey qerarêkê bêhuqûq û sîyasîyî yê vera ziwan, estbîyayîş û nasnameyê kurdan hesibna û vat: ''Heqê perwerdeyî heqê pêrune yo.Mamosta Zara Mohammedî ya ke ziwanê xo de bîye pîspor bi bahaneyê perwerdeyê kurdkî ameye hepskerdene. No zî ramojneno ke rejîmê Îranî demokratîk nêbîyo û Îran de heqê perwedeyê ziwane dayîke çîn o.'' KJKyî veng da cinîyan û ciwananê kurdan ke heta ke Îran de heqê perdeyê ziwane dayîke bêro dayene wa kampanya bêro domnayene.

Eşkerayîye de bale ameye antene  mergê Enes Karayo ke wargehê cematî xo kiştbi ser û ame vatene ke rejîmê AKP-MHPyî wazeno ciwanan bikero sey robotan. KJKyî vat: ''Waştişo tewr pîl ê faşîzmê AKPyî oyo ke vera komelî komelêkê neweyî înşa bikero. Wazenê komelî heqê perwedeyî ra mehrum verdî û komel û dewletekê serdestî înşa bikerê. Coka unîversîteyan de erdlez beno.  Wazenê mezgê ciwananê ke ameyoxê komelêkê azad û demokratîkî yê, bimirnê. Tarîxî ra dewletî û îqtîdarî bi rayîrê pewerdeyî vera şarî şer kenê ke komel naye ra ziraro pîl vîneno. Ganî kurdî vera îşxalê kulturkî wirzê payan ser û zanayîşê xo yê Modernîteya Demokratîke aver bêrê.''