Hemşaredarê Bajarê Pîlî yê Wanî Abdullah Zeydano ke herinda ci qeyûm ame cakerdene, hesabê xo yê medyaya sanele ra eşkerayîye daye. Zeyndanî wina vat: ''Dizdanê bêşerman îradeyê şarê Wanî xesp kerd. Darbekarî do bin bikewê, şar ser bikewo.''

Rêxistina DEM Partî ya Wanî zî hesabê xo yê medyaya sanale ra eşkerayîye daye û nê vatî: ''Şaro bianor ê Wanî wayîrê îradeyê xo vejîyeno. Ma de destûr medê qeyûm, xesp û talanî. Ma veng danê heme şarê xo, rêxistinanê komelê sîvîlî, partîyanê sîyasîyan û sendîkayan ke wa vera nê xespî demokrasî û huqûqî bipawê.''