Bi konseptê herbî ke 24ê Temmuz a 2015î de dîyayî destpêkerdene zindananê Tirkîya de îxlalkerdişê heqan zêdîya. Heme heqê esasî yê tepişteyan yenê binpaykerdene.

Serekê Komela Heqê Merdiman (ÎHD) yê Amedî Abdullah Zeytunî  derheqê qewimîyayîşanê zîndanan de ANFyî rê qisey kerd.

ÎDAREYÊ ZÎNDANAN DESTÊ ÎQTÎDARÊ SÎYASÎYÎ DE YO

Zeytunî da zanayene ke îqtîdaro sîyasî zindanan de bi keyfî têgêreno û wina domna:‘‘ Îxlalkerdişê heqanê ke bi keyfî yenê kerdene açaryayî îşkenceyî. Xora xeylî çîyan ra xebera ma çîn a. Îdareyê zindanî destur nêdano ke vengê tepişteyan vejîyo teber.

Zeytunî bale ante rewşê tepişteyanê nêweşan ser û va:‘‘Xora tepişteyê nêweşî  dilab-hîrlab îşkence vînenî. Ma sey ÎHDyî tesbît kerd ke nizdê 60 tepişteyê xidarî estî û ganî gamêk cuwa ver nê bêrî tehlîyekerdene. La tipo edlî zî goreyê hukmatî têgêreno û rapor nêdano nêweşan. Bitaybetî zîndananê Xarpêt, Patnos û Tarsûsî de tepişteyî zaf tengayî ancenî. Bi sebebo ke îdarekarê hêrişkarî yê zindanan ceza nêgenî no zî vernîya zext û zilmî akeno. Îqtîdaro sîyasî dest nayo her çî ser a. Hukm destê înan de yo  û bi naye  tepişteyan rê îşkence kenî.