Tepişte Kadrî Ekîcî (25)  vizêr Zîndanê Qefilnayeyî yê Amedî de hucreyê yewkesî de merde ame vînayene.

Vizêr saetanê şanî de cezanaya Ekîcîyî wedarîyaye Nêweşxaneyê Cigêrayîş û Perwerdeyî yê Gazî Yaşargîlî yê Amedî. Cenazana ewro serê sibayî Dezgehê Tibê Edlîyî ra emeye girewtene. Ekîcî Mezelanê Yenîkoyî yê Baglarî de ame definkerdene. Şînxaneyê Kulp Hewêdanî de tezîye ameye ronayene.

Ekîcî  bi îdîya endamîya rêxistine panc serrî yo sey rehîn ameyêne tepiştene. Îdarekaranê zîndanî vat Ekîcîyî xo kişto la medimanê ey vat înan hîrê rojî verî ey de pê telefonî qisey kerd, rewşa ey hol bî. Keyeyî vat mergê Ekîcîyî şikdar o.