Zîndanê Amedî de vera tepişteyan tedayî bi giranî dewam kenê. Keyeyanê tepişteyan rojêke de ÎHDyî rê 8 muracatî kerdî.

Hanime Eleftosa ke muracatê ÎHDyî kerdo, pare kerd ke mêrdeyê ci yê tepişteyî Xemgîn eleftosî pêvînayîşanê înan de qala binpaykerdişan kerda. Hanime Eleftos vat: ''Destûr nêdîyeno ke ma odaya pêvînayîşî de selam bidê tepişteyanê bînan. Nêverdenê ke tepişteyî aktîvîteyan bikerê. Fîyatê berhemanê kantînî vay ê. Tepişteyan vat ke eke teda nêqedîya ê do dest pê grevê vêşanîye bikerê.''

Dadîya Sabrî Yilmazî Sabrîye Yilmaz vat: ''Lajê mi nêweş o. Ganî her menge şoro nêweşxane la 3-4 mengan de yew o sewqê nêweşxaneyî beno. Dermanê ci nêdîyenê ci. Sewqê nêweşxaneyî de zî lajê mi yeno kelemçekerdene. Wextê pêvînayîşan de ma raştê cigêrayîşê rûtî yenê. Werdê yew kesî dîyeno 3 kesan ke nê werdî zî hîjyenîk nîyê. Wa tedayê vera tepişteyan biqedê. Wa tepişteyê nêweşî bêrê tedawîkerdene. Ganî her kes dormeyê tepişteyan de bêro pêser û wayîrê înan vejîyo.''