Sedat Alçîçeko ke Zîndanê Tîpê Fyî yê Kirikkaleyî de bi û grûba ewilêne ya grevê vêşanîye de ca girewtibi, mektûbêk şirawit xoverdayoxanê Strasbourgî rê.

Alçîçekî mektûbê xo de nê vatî: “Rayberîye ra di çekuyan şinawitiş do seyrê Rojakewtena mîyanêne bibedelno. Do bibo sebeb ke seba destkewteyan pirê dîyalogî bêro ronayene û seba azadîya şaranê bindestan zî zemîn bêro viraştene.”

Alçîçekî dewamê mektûbî de nê vatî: “Ma 6 embazî zî tîya grevê vêşanîye de yê. Pusûlaya ma Îmrali ya, heta ma biresê ci ma do bidomnê. Roja ke ma kewtê grev ra nata moral, heyecan û coşê ma bi vêşî, ma bala xo daya serê Rayberîye ra girewtişê xeberêk. Ma do mîrasê Kemal û Sakîneyan ê kulturê xoverdayîşî yê PKKyî heta biresê netîce bidomnê. Seba ke ma sozê xo yo ke dabi şehîdanê xo bica biyarê no lazim o.”