Zindanê Qeyserî de çi yeno serreyê hepsîyan?

Ame zanayene ke zindano girewte yê tîpê Tyî yê Bunyanî yê Qeyserî de binpaykerdişê heqan bîyê vêşî. Vacîyeno ke hepsîyanê cinîyan ser o muayeneyo bikelepçe yeno ferzkerdene, heqê înan yenê astengkerdene û bi înan marşê nijadperestî dîyenê goşdarîkerdene.

Pawitox Alîşan Şahînî zindanê girewteyî yê tîpê Tyî yê Bunyanî yê Qeyserî de muwekilanê xo Naîme Encu û Sînem Oguze pêvînayî, ê ard ziwan ke zindan de binpaykerdişê heqan estê.       

GAMA KE KELEPÇEYÎ QEBÛL NÊKENÊ NÊNÊ TEDAWÎKERDENE

Alîşanî ard ziwan ke kitaban ser o zî sînor ameyo dayene, hetêk ra zî hepsîyan ser o muayeneyo bikelepçe yeno ferzkerdene. Alîşanî vat ke wextê sewqkerdişê hepsîyan bi nêweşxaneyan de yan zî wextê rewîrê zindanî de yeno ferzkerdene ke hepsîyî bikelepçe bêrê tedawîkerdene, gama ke nê kerdişî nênê qebûlkerdene zî ê nênê tedawîkerdene.   

MARŞÊ NIJADPERESTÎ DÎYENÊ GOŞDARÎKERDENE

Alîşanî heman wext de ard ziwan ke 15 rojan ra reyêk seke koxuşî bêrê talankerdene cigeyrayîşî yenê kerdene, vengê sîstemê anonsî zaf yeno berzkerdene û na yewe ra hepsî nerhet benê. Ê wina domna û vat „memûrê înfazî gama ke çopan koxuşanê cinîyan ra gênê bi komanê 30 tenan kewenê zerre, bi deyîra „Ez qey to mirena Tirkîye“ marşanê nijadperestan vanê.         

MUDURÊ ZINDANÎ Û DOZGERÎ RA TEHDÎT

Alîşanî vat ke gama cinîyî seva pêvînayîşî şinê mudurê zindanî hete mudur vengê xo keno berz, nêverdano ê qisey bikerê, hetêna ra zî ê ro hepsîyan heqaret kerdo û înan tehdît kerdo.“

Peynî de zî ard ziwan ke dozgerî cinîyan ra vato „Şima korîdoran de çi geyrenê? Tîya ra tepîya şima rê musamehe çinyo.“