Grevê vêşanîye yo bêagêrayîş-bêdem o ke Zîndanê Seydîşehîrî yê Konya de vera teda û îşkenceyî hetê 6 tepişteyan ra 6ê gulane de dîya destpêkerdene, dewam keno. Çalakîkeran ra Şîyar Firatî pê telefonî keyeyê xo reyde qisey kerd û qala binpaykerdişê heqan  kerde. Dadîya Şîyarî Ayşe Firat vat ke vengê lajê ey baş nêameyêne.

Şîyar telefon de keyeyê xo rê vat ke îdareyê zîndanî waşt ke payan ser tepişteyan bihûmar. La seba ke tepişteyan no qebul nêkerd gardîyanan hêrişê înan kerd û înan rê gefê kiştişî wend û coka înan dest pê grevê vêşanîye kerd. Şîyarî da zanayene ke seba ke mesele çareser biba gêrayî rayîrêkê dîyalogî la îdareyê zîndanî herinda dîyalogan de tepişteyan rê vat ke ''Ma do şima bikişê, şima destê ma de yê.'' Îdareyî waşt ke bi nê hawayî provakasyon bikero.

Şîyarî var tewr peyên de ey mudirê zîndanî de qisey kerd la pê fermanê mudirî destê ci ameyî kelemçekerdene û ame berdene bi koxûş. Firatî û embazanê ci zî nê qerarî ra dima dest pê grevê vêşanîye kerd.

Grevê vêşanîye yo bêagêrayîş-bêdem 5 rojan ra nata dewam keno. Şîyarî vato û embazê ey Onder Korkmazî ameyî dekerdene hucre û naye ra xebera ci pê rewşa embazan çin a. 

Şîyarî îfade kerd ke gardîyanî înan rê vanê ''Ma do şima rehet nêverdê. Vengê xo mevejê.'' Şîyarî pare kerd ke eke rewşe wina dewam bikera ê do grevê vêşanîye bivurnê rojeyê mergî.'' Şîyarî venga şarê kurdî da ke vera hêrişanê serê tepişteyan vengê xo bivejê û vat: ''Dayê eke ma bimirê berpirs îdareyê zîndanî yo.''