Şaristanê Zurichî yê Swîsre de Aktîvîteyanê Fîlmanê Kurdan dest pêkerd.  Aktîvîteyî hetê Merkezê Komelê Demokratîkî yê Kurdan û Meclîsê Cinîyan ê Bêrîtane ra yenê serûberkerdene.

Bi fîlmê ''Nanê Pîroz''î yê Rahîm Zahîbîyî û bi fîlmê ''Dartaşî'' yê Xelîl Sehragerî startê aktîvîteyanê fîlman ame dayene. 

Komîteya Amadekarîye bi eşkerayîyêke da zanayene ke înan çarçewa çalakîyanê seba serra 100. ya Peymana Lozanî de nê aktîvîteyî plan kerdê. Komîte pare kerd ke aktîvîteyan de çar parçeyanê Kurdîstanî ra fîlmî do bêrê mojnayene û bi nê hawayî Peymana Lozanî bêra protestokerdene. 

Çarçewa aktîvîteyan de fîlmê ''Nanê Pîrozî'' yê Rahîm Zabîhîyî, fîlmê ''Dartaşî'' yê Xelîl Sehragerî, fîlmê ''Sara-Hep Kavgaydi Yaşamim''î yê Dêrsim Serevanî, fîlmê ''My Paradise'' yê Ekrem Heydoyî, fîlmê ''Love in the Face of Genocide''yî yê Şêro Hindeyî û fîlmê ''Bîr''î yê Veysî Altayî do bêrê mojnayene.

Wextê aktîvîteyan de dîrektorî zî seyrkeran reyde qisey bikerê. 25ê teşrîna peyêne de Meclîsê Cinîyan ê Bêrîtane bi wesîleya Roja Têkoşînê Vera Şîdetê Serê Cinîyan xoşeberêka taybete bikero.