Selahîyetdaranê Îran û Iraqî, rîyê varayîşê zêdeyî yo ke 15 rojî yo vareno ra, seba herêmanê ke rîskê laserî esto de hîşyarîye daye.

 Goreyê zanayîşanê ke ameye girewtene, wîlayetanê Mûsil, Dîyala, Zikar, Vasit û Basra yê Iraqî de rîyê laserî ra hetê hukmatî rewşa îstîsnayî ameye îlankerdene.

Rîyê varişê zêdeyî ra çemê Dîcle û Firatî bîyî berzî û laser werişt. Tayê pirdî rîyê laserî ra rijîyayî, seba tayê pirdan zî rîyê rijîyayîşî ra hîşyarîye ameye dayene. Tayê dewan û bajarekanê qijan de seba tedbîrî ameyê talkerdene û sîvîlî herêmanê biasayîşan de ameyî cakerdene.

Îran de alarmê seba 24 saetan ame dayene

Rîyê varayîşê zêdeyî ra, hewteyê derbazbîyayî de sere de eyaletanê Şîraz, Gulîstan, Lorîstan, Esfehan, Xoresan ê Rojawanî zî tede 25 eyaletanê Îranî de laser weriştibi. Ci ra 19 kesî Şîraz ra 44 kesan cuya xo vîndî kerdibî, 240 kesî zî birîndar bibî. Tayê bajarê qijî, qezayî û xeylî dewî rîyê rîskê laserî ra ameyî talkerdene. Rayîrê zaf bajaran û dewam amebî padayene.

Seba ke varayîş dewam keno û rîskê laserî esto, 23 eyaletanê Îranî de alarm ame dayene. Selahîyetdaranê Îranî da zanayene, seba kêmkerdişê zerarê varayîşê zêdeyî û laserî, qerar ameyo dayene ke 23 eyaletan de 24 saetî alarmê laserî bêro dayene.