Wezaratê Karanê Teberî yê Îranî eşkerayîyêka nuştekîye weşane û qesawetê xo yê derheqê rewşa hêrişê Tirkî de parê kerd  û va: "Ganî hêriş ca de bêro vindarnayene û leşkerê Tirkî yewîyanê xo yê erdê Sûrîye peyser biancê.‘‘

Wezaretî îfade kerd ke ê qesawetanê Tirkîya yê wareyê biasayîşî fam kenê, labelê çareserîya naye tedbîrê leşkerî nîya.Goreyê ajansê xeberan ê fermî yê Îranî ÎRNA'yî Serekê Parlamentoyî Alî Larîcanî dimayê hêrişê îşxalkarîye yê dewleta Tirkî zîyaretê xo yê Enqere betal kerd.

Hetê bînî ra Vervatoxê Wezaretê Karan ê Teberî yê Çînî Shûangî veng da dewleta Tirkî ke hukmatê Tirkî bandura Sûrîye rê hûrmet bimojne. Reyna Wezîrê Karanê Teberî yê Rûsya Sergey Lavrovî zî pêşnîyaz kerd ke seba pêvînayîşanê mabênê Sûrîye û Tirkîya mabênkarîye bike. Lavrovî va: "Ma do nika ra dima bimojnê ke ganî mabênê Tirkîya û Sûrîye de dîyalogêk bêro viraştene."