Çalakîyê vera qetilkerdişê Jîna Emînî roja 15. de dewam kenê. Vizêr bi taybetî Sistan û Zahidana Bulûcistanî de şar vejîya meydanan. Goreyê medyaya dewleta Îranî Belûcistan de 19 kesî ameyî qetilkerdene û 20 kesî zî birîndar bîyî.

La goreyê tay îdîayan zî hûmara kesanê ke ameyê qetilkerdene 36 a û 50 kesî zî birîndar bîyê.

Wextê çalakîyan de xeta înternetî birîyaye, xeylêk leşkerî zî şaristanan de ameyî cakerdene. Seba ke înternet birîya derheqê çalakîyan de agahîyî nênê girewtene.