Îranî bi hawayêkê fermîyî tayê sozê xo vindarnayî

Îranî tayê sozê xo yê ke çarçewaya peymana nukleerî de dabî, bi hawayêkê fermîyî vindarnayî.

Goreyê ajansê xeberan ê ÎSNA’yî, Sazîya Enerjîya Atomî ya Îranî, tayê sozê ke çarçewaya peymana nukleerî ya ke serra 2015 de Vîyana de amîbî îmzakerdene de dabî, vindarnayî.

Serekkomarê Îranî Hasan Rûhanîyî hewteyê ravêrteyî de dabi zanayene ke Tehran serê nê qerarî de hayîdarî daya welatanê ke (Çîn, Rûsya, Almanya, Fransa û Îngilîstan) morê xo dayo binê peymane ro.

Qerarê Îranî 8’ê Adare de ame girewtene ke no tarîx serrgêra yewine ya ancîyayîşê DYA peymana nukleerî ra ya.

Îdareyê Tehranî bi heman hawayî seba qedînayîşê mueyîdeyan di mengî wext dabi Ewropayijan ke çareserîyêk bivînê. Îranî hîşyarî dabî ke eke no nêro kerdene do tayê astengîyanê bînan ê vernîya nukleerî zî raste ra wedarê. Ewropayijan ultîmatomê Îranî red kerdibi.

Alozîya mabênê DYA û Îranî hewteyêk o giran bîya.