Îranî cewab da gefê Trumpî

Vera gefê DYA yê ‘‘ma do bidê 52 nuqtayanê Îranî ro‘‘ Îranî ra cewab ame: ‘‘O cesaretê DYA çîn o ke vera Îranî dest pê pêkewtişê leşkerî bikero.‘‘

Serekê DYA Donald Trump derheqê hêrişê Iranî yê vera baregehê înano ke Iraq de yo gef wend û vat: ‘‘Eke Îran reyna hêriş bikero, ma do bidê 52 nuqtayanê înan  ro.‘‘  Serekê Fermandarîya Pêroyîye ya Îranî Muhammed Bakirî vera gefê Trumpî vat: ‘‘O cesaretê DYA çîn o ke vera Îranî dest pê pêkewtişê leşkerî bikero.‘‘

Wezîrê Enformasyon û Telekomunîkasyonî yê Îranî Muhammed Cevad Azerî Cahromî zî hesabê xo yê Twîtterî de mesajêk pare kerd û vat: ‘‘Sey DAÎŞî, sey Hîtlerî, sey Cengîzî! Heme kulturan ra eciz ê. Trump terorîstêko qatê kincan dayo xo ra.  Tarîx do demê kilmî de ramojno ke  qet çew nêeşkeno ‘netew û kulturo gird ê Îranî‘ bin bîfeno.‘‘