Îranî waşt ke eskerê DYE Bexda ra bêrê vetene

Serekwezîrê Iraqî Adil Evdilmehdî seba serdanêka fermîye roja Şeme şi Îran. Serekê rûhanî yê Îranî Seyîd Elî Hamaneyî waşt ke eskerê DYE Bexda ra bêrê vetene.

Serekwezîrê Iraqî Adil Evdilmehdî serê dawetê Serekkomarê Îranî Hesen Rûhanî şi Tehran. Serekê rûhanî Seyîd Elî Hamanet û Serekkomarê Îranî reyde xeylî selahîyetdarê Îranî zî pêvînayîşî de ca girewt.

Dimeyê pêvînaşê Evdilmehdî û Hamaneyî, Hamaneyî vat, “Amerîkanijî kotî demêko derg mendê, prosesê vetişê înan ê welatan zî hende girantir bîyo.”

Hamaneyî ard ziwan ke Amerîkanijî, “Demokrasîyê Iraqî” û estbîyayîşê aktîvîtanê sîyasîyan vera xo vînenê û va, “Eskerê Amerîkanijan ganî ca de Iraq ra bêrê vetene. Amerîkanijî û hêzê ke girêdayîyê înan ê herême, vera îqtîdar û awanîya demokrasî ya nikayî ya Iraqî yê. Ma na rewşa baş nêvînenê.”

Hamaneyî hetê bînî ra ard ziwan ke Amerîkanijî teyna bi amancê eskerîye Iraq de nêmanenê, wazenê dermêko derg bimanê û cehd kenê ke dewlatanê herême dîzayn bikerê.

Serekwezîrê Iraqî Adil Evdilmehdî zî vat, “Dewlete û şarê Îranî tim leyê dewleta Iraqî û şarê Iraqî de yo. Nimûneyê ney o peyên, bi hetkarî ya Îranî Iraq de binkerdişê DAÎŞ’î yo.