Rêxistina Îslamî Cîhadî pare kerd ke teyarayanê şerî yê Îsraîlî  vera binayêka Xeta Gazze hêrişê hewayî kerd û netîce de fermandarê leşkerî Baha Ebû El Ata (42) û cinîya ci ameyî kiştene.

Ame parekerdene ke hêriş bajarekê Şecaîy ê rojhelatê şaristanê Gazze de ame kerdene. Rêxistina Îslamî Cîhadî  îfade kerd ke nê herişî ra dima bi hawayêkê balkêşî têgêrenê û ê bi roketan do hêrişê şaristananê Îsraîlî yê dormeyê Gazze  bikê.

Îsraîl xo seba şerêkê çend rojan amade keno

Verfekê artêşa Îsraîlî Jonathan Concrîcusî vat ke vera Îsraîlî zaf hêrişê bi rokatan ameyî kerdene. Şaristananê Îsraîlî yê dormeyê Gazze de tim vengê sîrenan yenê eşnawitene û dibistanî  ameyî girewtene. Verfekî vat: "Seba Hamasî û Îslamî Cîhadî mesajê ma no yo: ma nêwazenê alozîye biba pîle labelê seba pawitişî û hêrişan ma amade yê." Fervekî ard ziwan ke ê seba şerêkê çend rojan amade yê.