Şehîdê Qirkerdişê Parisî yê 9ê Çeleyê 2013î Sakîne Cansız (Sara), Fîdan Dogan (Rojbîn) û Leyla Şaylemez (Ronahî) Rojawan de ameyî yadkerdene.

Kantonê Cizîre de Koordînasyonê Kongreya Starî semînerê ''Ma do faşîzmî û îşxalî bi Sakîne û Hevrîne bin bivisnê'' viraşt. Semîner Salona Merkezê Kultur û Hunerî yê Til Hemisî de ame kerene. Cinîyan tîya de pare kerd ke hêrişanê îşxalî yê dewleta tirke û çeteyanê ci yê SMOyî bi xoverdayîşê Sakîne Cansiz bişiknê.

Rimêlan û Girkê Legê de zî semînerî virazîyayî.

Kantonê Firatî de Kobanê de seba yadkerdişê şehîdanê Qirkerdişê Parisî rayraşîyayîşêk ame kerdene. Rayraşîyayîş de hêrişê îşxalî ameyî protestokerdene û ame vatene ke cinîyî bi pêro hêzê xo cewabê hêrişan bidê. Rayraşîyayîş bi sloganê ''Jin, Jiyan, Azadî'' qedîya.