Cinîyanê Kantonê Firatî ajansê ma rê qalê hêrişanê îşxalî kerd û dîyar kerd ke wa dewleta tirke hol bizana ke kurdî sey verî nîyê û bi hêzê xo bawer ê ke do îşxalî bişiknê.

Dîya Şehîd Egîdî Cemîla Şehîn ard ziwan ke bi hezaran kurdî ameyê qetilkerdene la dewaya kurdan dewam kena. Cemîla vat: ''Kêna û xortê ma seba azadîye xo ver danê. Ma do nê oxirî de û seba azadîye xo ver danê. Ma venga pêro embazanê Egîdî danê ke ganî wurzê payan ser û hetê QSDyî de xo ver bidê.''

Dadîya Şehîd Muratî Fatme Mihemed Îsa vat: ''QSD û YPJ hêzê înan ê û vat: ''Ganî ma sey dadîyanê şehîdan wurzê payan ser, ma vera talan û wêranî têbigêrê. Dewleta tirke do nêeşka QSDyî çin bikera. Çeteyê dewleta tirke xoverdayîşê QSD û YPJyî ra remenê.''

Vervatoxa Cinîyan a Çelebîyî Emîne Mistefa vat: ''Ma bi hezaran kes ê û ma peyê hêzê xo de yê. Şarê ma seferber o. Ma eşkenê bi hêzê xo Kobanê bipawê. Xoverdayîşî ra agêrayîş çin o. Ma do heta peynî xo ver bidê. Ya serkewtiş ya serkewtiş.''