Hemsereka KCDyî Leyla Guvena ke Zîndanê Sîncanî de tepişîyena zîyaretê Heyetê Îmraliyî ra dima eşkerayîyêke daye. 

Eşkerayîye wina ya:

''Birêz Abdullah Ocalan her firsend de ano ziwan ke o wazeno meseleya kurdan çareser bikero. Birêz Ocalan hetê şarê kurdî ra sey sermuzakeregirî qebul beno. Wa bizanîyo ke pêşnîyazê çareserîye yê Birêz Abdullah Ocalanî sere de hetê cinîyan ra hetê pêro şarê ma ra do bêrê wayîrvejîyayene.

Birêz Ocalan 26 serrî yo vera tecrîdî seba haştîye û azadîye xo ver dano. Coka çimê her kesî pêşnîyazanê ey de yo. Pêşnîyazanê ey kerd ke cinîyê kurdî û şarê ma bibê wayîrê destkewteyan. 

Ma sey cinîyan ê tepişteyan ê sîyasîyan seba ke bibê cewabê xîretanê Birêz Ocalanî do mîyanê pratîkanê cidîyan de bibê. Ma do bê teredut paştî bidê nê prosesî. 

Ez hêvî kena ke ma wextêkê nêzdîyî de Sûranê Dîyarbekîrî de Birêz Abdullah Ocalanî reyde govende bigêrê. Bi na hêvî ez şarê ma selam kena.''