Sakîne Cansiza ke pîya bi di cinîyan ê şorişgêran 12 serrî verî Paris de netîceya suîqastê dewleta tirke de ameye qetilkerdene Mezelanê Asrî yê Dêrsimî de serê mezelê xo de ameye yadkerdene.

Endama Têgêrayîşê Cinîyan ê Azadan (TJA), Vervatoxa Meclîsê Cinîyan ê DBPyî Berîvane Bahçecî, wekîlê DEM Partî Aytene Kordu û Gulcan Kaçmaz Sayyîgît û îdarekarê bajar û qezayan û xeylê kesî tewrê vîrardişî bîyî.

Cinîyî dekewtişê mezelan de ameyî têhet û bi vilikan ver bi mezelê Sakîne Cansiz rayra şîyî.

Vîrardişî bi rêzgirewtişî dest pêkerd. Dayîka Haştîye Meryeme Tuma ke tîya qisey kerd şexê Sakîne Cansiz de şehîdê têkoşînê azadîye yad kerdî û vat: ''Wa hinî cinî merê qetilkerdene û dayîkê mebermê. Ma haştîye û azadîye wazenê.''

Dima ra serê mezelî de  vîlîkî ameyî ronayeneû çeragî ameyî tafînayene.