Şerê Îsraîl-Hamasî de hûmara merdeyan 5 hezarî vîyarte. Destûr ame dayene ke hetkarîya merdimatîye teberê sînorî yê Refahî ra derbazê Gazze bêra kerdene. Îsraîlî pare kerd ke serê sînorî yê Lubnanî de bajarekî veng bikero.
Şerê Îsraîl-Hamasî de hûmara merdeyan 5 hezarî vîyarte. Goreyê Wezîrîya Weşîye ya hukmatê Hamasî bombardumananê Îsraîlî de 1524ê ci domanî tewr tay 3785 kesî kişîyayî û 12 hezar kesî zî birîndar bîyê.
Hetê Îsraîlî de zî 306ê ci leşkerî hûmara merdeyan tewr tay 1400 a. Artêşa Îsraîlî dîyar kerd ke 203 merdimê înan destê Hamasî de esîr ê.
Goreyê Ofîsê Koordînasyonê Karanê Merdimatîye (OCHA) yê Neteweyanê Yewbîyayeyan (NY) Gazze de 2185 bînayî bi temamî rijîyayî û 5434 bînayan zî zerar dîyo.
Îsrîlî vera Hîzbullahê Lubnanî zî şer zêdîna. Îsraîlî pare kerd ke serê sînorî yê Lubnanî de bajarekê Kiryat Shmona veng bikero.
Destûr ame dayene ke hetkarîya merdimatîye teberê sînorî yê Refahî ra derbazê Gazze bêra kerdene.
Hetê bînî ra Sersefîrê Anqara yê Îsraîlî Irit Lillian bi dîplomatanê Îsraîlî yê bînan reyde şi Tirkîya.
