Buroyê Koordînasyonê Karanê Merdimî yê Neteweyê Yewbîyayeyî (OCHA) da zanayene ke, rîyê varanî ra qezayanê eyaletê Kandaharî laser vejîya. Selahîyetdaranê cîyayî ard ziwan ke, varano tewr zêde yê nê 30 serran ê peyênan herême de varayo.

Goreyê OCHA'yî rîyê varanî ra tewr kêmî 20 kesî merdî û doman zî mîyan de 10 kesî vîndî bîyî. Ame vatene ke bajarê Kandaharî zî tede qezayanê ci de nêzdîyê 2 hezar banan xesar dî û binawanîya herême zerarêko giran dî. Hetkarê Walîtîya Kandaharî Abdul Hananan Munebî vat, lasero ke herême de qewimîyayo, lasero tewr xirab yê hewt serranê peyênan o.