Almanya pêhesna ke çarçewaya endamîya NATO’yî de aye emser 47 mîlyar Euro seba techîzatanê leşkerîye abirnayê. Şerê serdinî ra nata reya ewilên a ke Almanya butçeyêka hende zafe seba xerckerdişanê leşkerîye abirnena.
Îdareyê Berlînî seba NATO’yî pêhesna ke seba mîktarê xerckerdişanê leşkerîye aye emser 47,32 mîlyar Euro abirnena. Almanya bi nê mîktarî bena ê welatan ra yewe ke tewr zaf seba xerckerdişanê leşkerîye abirnayo. No nisbet goreyê serra 2018’î se ra 5 bîyo zêde. No dimayê şerê serdinî yê 40 serrî verî reya ewilên a ke bica yeno.
Bi heman hawayî goreyê xeberanê ke medyaya Almanan de ca gênê, Almanya seba 2020’î nika ra amadekarîya butçeyêka ke 49,67 mîlyar Euroyî ya kena. Yeno pawitene ke no mîktar heta peynîya nê hewteyî bi merkezê NATO’yî bidîyo zanayene.
