Tarîxê DYA’yî de lînco tewr pîl 14’ê Adare 1891’î de qewimîyabi. Şefê Polîsan Davîd Hanessy hetê 4 kesan ra amebi qetlkerdene û naye ser 11 Îtalyanijî ameybî tepiştene. Koçberanê Îtalyanijan peyê cû berat kerd. La hezara kesan nê 11 kesî hepisxaneyî ra vetî û bi lînc qetl kerdî.

Wedaritişê koledarîye ra dima Îtalyanijî karanê giranan de ameyêne xebetnayene û muameleyê koleyan înan rê ameyêne kerdene.

Buroyê Serekîya Şaredarîya Orleansî ra yew beyanat ame dayene û goreyê nê beyanatî şaredarîye do seba nê qewimîyayîşî ozrê xo biwazo. 11 kesî roja 11’ê Nîsane de ameybî kiştene û ozr zî do 11’ê Nîsane de bêro waştene.

Seserra 19’ine de lînc bi hawayê hîrayî ameyêne kerdene. Wextê koledarîye de koleyan rê, koledarîye ra dima zî muhacirî ameyêne lînckerdene.