Sereka Meclîsê Temsîlkaran ê Amerîka Nancye Pelosi wextê zîyaretê Erîvanî de 'hêrişê îlegal û kiştoxî' yê Azerbaycanî yê vera Armenîstanî şermezar kerdî.

Nancye Pelosi Erîvan de kombîyayîşê çapemenîye de pare kerd ke şerê peyênî ra Azerbaycan mesuldar o.

Nancye Pelosi îfade kerd ke Armenîstan seba înan 'wayîrê girîngîyêka taybetî yo.'

Nancye Pelosi 17ê êlule de dest pê zîyaretî kerd, 17ê êlule de zî şîye Erîvan. Pelosi zîyaret de Serekwezîrê Armenîstanî Nikol Paşinyanî reyde ronişte.

Azerbaycan vera zîyaretê Nancye Pelosi nêrazîbîyayîşê xo mojna û îdîa kerd ke vateyê Pelosiye 'bêbinge yê.'

Nancye Pelosî tek selahîyetdarêka tewr berze ya Amerîka 1991 ra dima reya verêne Armenîstan zîyaret kerdo.